الى متى يا فنزويلا؟

للمرة اكثر من المئة ربما تخطف يد الغدر منا شاب في عمر الربيع

شاب استكثره القدر على والدته. زوجته و زهراته الاربعة

فجاء القرار عن طريق رصاصة جبانة و يد مجرمة لا تعترف بوجود الله ولا تؤمن الا بالشر طريقا

وبالحرام زادا و بالجريمة مصدرا وحيدا للرزق الحرام

ولتحقق هدفها لا تكترث راس من ستحصد و قلب من سيثكل و عين من ستدمع

هذه هي حياة شبابنا حاليا في فنزويلا ,,,,, معرضين للموت المقرر مسبقا_ ربانيا طبعا بلا شك _

لكن من يحدد كيف و مدى بشاعته هم اللصوص و قطاعي طرق هذه البلد

الغدارة التي تخطفهم منا واحدا تلو الاخر دون مبالاة ولا حسابات لشيء او لاحد

فقط لان المجرمين قرروا ايقاف قطار حياتهم عند هذا الحد

ثمنا لاشياء كثيرة و اسبابهم منكرة و مجرمة مثلهم و النتيجة دائما واحدة......

قطف زهور شبابنا من حديقة الحياة اليانعة و تغريب شمسهم في ليل غربتهم الكريه و سواد عمرهم الحزين

بالامس كان احدهم و قبله اخر و قبل قبله اخرون والحال لا يزال على ما هو وغير معروف الى متى
..............

كنت احتاج لهذه المقدمة لاشكي اليكم وجعي الكبير و غصتي الاكبر لا لكي تتعاطفوا معي او مع عائلة الشاب الفقيد

انما هي رسالة ربما لكل من يفكر اليوم بفنزويلا ملجا كما يعتقد او دار عمل و امان ,رسالة اتمنى ان تصله قبل ان تطا قدماه تراب هذه البلد

وهذه ليست رسالة مني فقط بل هي من كل مغترب وفي لا يزال يجري في عروقه دم عربي اصيل و في قلبه نبض صادق و احساس بالمسؤولية كبير تجاه اهل وطنه

فوجب عليه تنبيههم و لفت نظرهم لبعض ما يجري هنا
......

طرقت باب التعازي لانعي اليكم شخصا معينا فوجدت نفسي انعي بلدا باسرها

و باسم هذا الشخص انعي العشرات قبله و العشرات الاتين بعده بكل تاكيد ان استمر الحال على ما هو الان للاسف

هذه هي حياتنا بشكل عام هنا اليوم , الموت يلاحقنا من كل صوب بل هو ضريبة في قانون هؤلاء التعساء علينا دفعها كي لا يدفعها اولادنا او دفع ثروتنا لهم كي يمنوا

علينا بشبه حياة مع قلق وخوف وتهديد يطاردنا من كل صوب ومع كل طلعة شمس


اصبح اسم الشخص غير مهم ربما الان او ليس بنفس اهمية الموضوع ذاته والهدف منه وغايته

لكنني لن انكر على الشاب حقه في طلب الرحمة له من كل واحد منكم ومواساة عائلته ولو من بعيد لعظيم مصابها

لذلك ساكتبه في صفحة ثانية و تحت عنوان خاص باسمه

,,,,,,


فنزويلا اليوم؟؟؟؟؟؟؟؟؟؟؟ بئس المصير!

الغوالي مجد, هادية , اميرة...........

شكرا على صدق مواساتكم انما الوقت لن يسمح لنا حتى بالمواساة ولن يمهلنا اكثر ان بقي الوضع على حاله

هنا واقولها بصدق الله يعجل برجعتنا على بلادنا قريبا و يهون علينا و يخلصنا من بشاعة اللي عم بيصير هون

يوم بعد يوم قبل ما يمضى وقت اكثر و ما ينفع الندم فيه

اخي مجد انت ذكرت وجعك من خلال ناس اخرين فقدتهم هون

لكن ميات و ميات الموجوعين مثلك واللي عم بينامو و دمعتهم على خدهم و مش عارفين اذا بدن يرجعوا عبلادهم وكيف .... يلي ما عتدو اوراق....و يلي ما معو المال اللازم و صعبي عليه يرجع مفلس بعد هالعمر.... ويلي معو بس بعدو عم يشتغل و عم يركض ورا الاكثر بحجة انو شو بدنا نروح نشتغل ببلدنا وانو اللي الله كاتبو بدو يصير هون ولا غاد وغيرو وغيراتو من الاعذار و عدم القناعة بعد.......

وبين تفاؤل من احدهم و تشاؤم من ثاني الوضع بعدو على حالو والشباب عم تدفع الثمن بطريقة او باخرى
او بيخسروا فلوسهم وهم عم يدفعوها ثمن للمجرمين ليحافظوا على حياتهم ام يشتروا حياتهم بالاحرى
ومع هذا بيعيشو بخوف وقلق على حياتهم وحياة عيالهم او بيدفعوا حياتهم ثمن لما الحرامي ما يعجبو المبلغ او بسهولة بيجي ع بالو هيك على غفلة ينهي حياة الشخص
والضحايا بهالحالة كلهم من المغتربين عرب او ايطاليين او صينيين او او او لانو العين عليهم انو في معهم مصاري على اساس و اذا بيموتو ما في وراهم مطالب لا بثار و لا في دية ولا حتى بكشف الفاعل وهذول هون بيطمعوا و صار عندهم قتل الزلمي مثل شربة المي لا قانون يردع و لا بوليس يحقق لانو البوليس نفسو هوي المجرم يعني حاميها حراميييييييها

يلا ما عاد بدي اكتب بهالموضوع و كون سوداوية و اتعبكم معي بس اميرة يمكن اكثر وحدي بتعرف هالشي لاننا نصيبنا و قلة بختنا اننا عايشين هون حاليا والعيشي بهيك وضع مش مثل الحكي عنو بالكلام وبس
بس امانة على كل واحد فيكم ينقل النصيحة لكل من يفكر للحظة انو يجي لهون خاصة بهالفترة رغم اني متاكدي انو الاغلب عم يعمل جهدو ليجي مفكرين الجنة هون مثل ما قالت هادية و ما بيسمعو نصيحة للاسف

يلا خلينا نكون متفائلين رغم كل شي و نقول هيك الله رايد و اللي الله كاتبو بدو يصير و حسبنا الله و نعم الوكيل

من فنزويلا..... بلد الهم و بئس المصير....... هههههه

كانت معكم......... سهى

ههههههههههه هذا بس لتغيير الجو و المزاج

تصبحوا على خير..
......
..........
.............
...............
_؟؟؟؟؟؟؟؟؟؟؟؟؟؟؟؟؟؟؟؟